2023 жылдың қазан айында Алматы қаласында Қазақстан Республикасы Мәдениет және ақпарат министрлігінің, сондай-ақ «Altyn Qyran Foundation» қорының
қолдауымен «Қазақстан камерасы» мемлекеттік камералық оркестрінің ұйымдастыруымен VIOLINISSIMO халықаралық скрипкашылар байқауы өтті.
Байқаудың іріктеу кезеңі аясында 35-тен астам өтінім берілді, оның ішінде ең мықтылардың 9-ы ғана екінші кезеңге өтті.
Байқаудың екінші кезеңіне қатысу үшін Қазақстан, Ресей, Қытай және Швейцариядан 6 жас әрі талантты скрипкашылар Алматыға ұшып келді.
Байқаудың қазылар алқасының құрамына Германия, Финляндия, Литва және Швейцариядан келген әйгілі әлемдік музыканттар мен профессорлар кірді. Қазақстан тарапынан ҚР Халық әртісі, скрипкашы, дирижер – Гаухар Мырзабекова
қазылар алқасы құрамына енді.
Байқау қорытындысы бойынша сыйлықтар, сондай-ақ DALA Classic KZ музыкалық агенттігінің арнайы сыйлығы берілді.
Конкурстың барлық қатысушылары мен жеңімпаздарын марапаттарымен құттықтаймыз, сондай-ақ кәсіби салада үлкен жетістіктер тілейміз.